السلامو عليكوم ورحمتو الله وبركاتو
أهنن وسهنن بضيوفنا الكرام .. كيفكن ان شاء الله مناااح ..
اليوم جايبن إلكم مصيبه جديدةقصدي قصة جديدة .. وأتمنى أن يحوز هازا الكوز على رضاكم بس ياريت تتحملوني وتتحملوا تقل دمي .. لاني بعيد عن الملااعب من زمان .. ومن جديد رجعت اسخن ميا ..
الموووهم وبديش أقصر عليكم لانو الموضوع طويل كتير وراح تتعبو وانتو بتضلكم تسحبو بهالعرسة قصدي الفار الي تحت اصابعكو فـ خليكم ريلاكس وإدهنو اصابعكو فازلين عشان ماتعسقش
---------------------------------------
هادا ياأخوه ياكرام شسمو اه شسمو
في يوم من أياااام الشتااء البااردة .. حيث الامطار غزيرة والجو رومانتيكي وقربت الشمس تسكر ستايرها معلنتن عن ليل جديد والقمر يغمز لها من الطرف الآخر وبقلها تنسيش الموعد الليله
وهي عاد احمرت واصفرت من الخجل خدودهاوشردت على الناحية التانية
وبينما أنا منجطل وجاعص بالديوان لحالي وقاعد أستمزز بزقارة .. وأسوي الدخنه أو الكترة كما قالها الزمخشري قلوب على رأي الست أم كلسوم ـ هل رأى الحب سكارى ..
فجأة
لقيت جيبتي بتتحرك
حطيت إيدي بكل حزر على جيبتي
وأنا مستعد لأي موقف مومكن يصير
لكن طلعت غشيم وطلع اللي بخلي جيبتي تتحرك الخصائص الفيزيائية للوضع الصامت بالجوالنعم إنه الجواااااااال
وألاقي مكتوب على الشاشه جمس بونق المقعد يتصل فيك
أنا أستغربت إنو زنقر طلع من كوزو وبدا يرجع لحياته الطبيعيه
لكن فضولي دفعني إني أرد عليه مع أنه رقمو مش مخزن عندي بس كيف طلع مش عارف
وصارت بيني وبين زنقر المحادسة التالية
زنقر: ألو سلامو عليكو
خنفشاري: وعليكم السلام أهلين ياخوي
زنقر: إنتا وين
خنفشاري: قلتله مين بيتكلم
زنقر : شو مين بيتكلم مش إلك ساعة لاطعني ع باب داركم وقلتلي خمسه وطالعلك
خنفشاري: أنا؟
زنقر : هااااااااااا أناإنتا وين بس إحكي إنتا وين خنفشاري(بكل براءة): بالدار
زنقر :
أنا الأوزوم تبع دنيا أنخرم من كتر زعاقو
الموهم سبت زنقر يضلو يزعق وهوا معصب وبكل برودة أعصاب فتحتلو الباب
زنقر ماصدق يشوف خلقتي بفتحلو الباب لقيت كل معالم وجهه متغيرها وشعرو واقف مع انو بيملش شنشواروفجأة مالقيتو الا بدو ينقض عليا زي الضفادع وبكل تنمر (يعني زي النمر)وبدو ياكلني بفكرني علبة لحمةوانا حب الله وأخليلي أرجع 5كيلو سم لورا واسكر الباب بخلقتو
زنقر ضلو يخبط ع الباب وانا مطنشو لاني عارف لو فتحتلو الباب تاني يوم راح يتغدو بالعزى تبعي
ولما هدي ابو الزناقير وقلي خلص مش حسويلك اشي قلتلو برضاش إلا تجبلي تعهد وتصدقه من المختار حسون
قلي خلص بتصل فيه جوال عدي وانا كالعادة قلبي طيب فتحتله الباب
وزي ماهو معروف الندالة بتمشي بدم زنقر مع فطابل الدم الحمراء الزلمه أكبر مندلجي بكل الحارة وواصل صيتو للخرابه اللي باخر الحارةفجأة ومن غير موقدمات خبطني بالشسمو على راسي ولقيت نفسي دايخ بزمن بايخ وعنيا خشو ببعض وصرت أمشي ع المواسير بالشوارع ولكن زنقر أخدني بعدين بالحضن ودخلني على الديوان لنشرب قدح من القهوة وقلي بكرا بعزمك على فرشوحة تعويضن مني على الخساير اللي صابت مخك من ورا هالهوايه طبعن انا كنت عارف ندالتو لزنقر قلتله فـ قلت لازم أعرف عنه إشي عشان أهددو فيه ولازم هالإشي يكون خاص وخاص جدن
المهم ضليتني أتخرفن أنا وياه وساعه تنطح ساعه وصرت ألمحلو على المواقف العاطفيه واخرطلو من هالمنوخية والقصص الخنفشارية لحد ماقدرت اصطادو بالميا العكرة وأجيبو على وشووووووو
وأتاريتو الحج زنقر كان إلو قصص غرامية شديدة اللهجة
المهم بدا الحج زنقر يروي بقصته وهوا خاشش جو معطر بروائح زنبقية ونرجسية ووردية وكل الالوان البمبية
ويلا خلينا نسمع إحدى يوميات العاشق زنقر
بس ياريت شغلو الشسمو النواسة الحمنه عشان تخشو جو مع زنقر
هادا بيوم من الأيام وكان يااااامااااكاااان
كان إلنا جارة إسمها سميرة
كانت جمبنا عايشة مع جدتها وجدها لانو أهلها كلهم ماتو بحادث مريع
كانت سميرة بنت حلال وبنت عسل مصفي وبنت طيوووبه كتير
وحلوه (على زمة زنقر إنو أحلى من الهايفه بنت وهبي عشان الأمانه العلمية لازم أكون صريح ودئيئ بالشحن والنقل والتوصيل ع الخط )
كنت دايمن بتابعها وبـــ بصبص عليها من البلكونه (قمة الصراحة يازنقر)
كانت غايه بالجمال ياخنفشاري وكنت احبها من كل قلبي
خطبتها في يوم من الايام لكن اهلها رفضو(قلت بنفسي معاهم حق منتا جيبتك مخروقة ومعكاش تحلق وبعدين من وين بدك تجيب الزيطة والزمبليطه بدها تتهنى البنت ع فرحة عمرها وبعدين معكاش شغله ولا صنعه ولساتك منيل بتتعلم هندزة بس تخلص مستعجل ومدلوق ع الجيزة والجواااز على ايش؟)
لكن جاء الرد اللي متوقعو وقالو انها محجوزة لإبن عمها خليل (يعني بالعربي حلقولو وع الناشف كمان)
وكان سيدها انسان حبوب ومن الزلام الطيبين(أنظر الصورة)
وكان مثال للسقامه وتقل الدم في كافة أرجاء الحارة الغزاوية
وستها كانت صاحبة الوالدة وكانت زي جوزها زلمه طيب قصدي وليه (هي التي تولول على زوجها عندما يموت) برضو أنظر الصورة
انسانه غاية في الرقة والحنان
بس اذا زعلت.. ياوقعتك السودة ياحزين
المووووهمممز يابو الحبان وبدكاش طولة الكلام والحكي
في يوم من الايام
كانت امي وسميرة وست سميرة في بيتهم
بعلمو سميرة كيف تطبخ السمااااقية
المهم امي أعطتهم المقادير والمعايير المأخود من كتاب أبلة نظيرة للطبخات الخطيرة باب الشغل المنيح في تحضير الطبيخ
والله وترجع أمي لبيتنا وضلت سميرة وستها لحالهم بالمطبخ بخبصو وبيعملو بهالسماقيه
ستها لسميرة نعوست وقالت لسميرة انا بدي اروح اخد حبة الكبوتين يابنيتي وأتسطحلي نتفه
بس دربالك ياجده ع الغاااز أوعك تسهي عنوانتبهي منيح يمااا بديش أوصيكي
المهم راحت ست سميرة تتسطحلها نتفة
وضلت سميرة تحوس بهالمطبخ لحالها وتحاول وتخبص لعلها تزبط معها هالسماقية
ونسيت الغاز مفتوح الخوته
وصار إلي صااااااااااااااااااار
.
.
انفجاااااااااااااار
وحرييييييييقة حرييييييييقة
المووووووووهم انا( اللي هوا زنقر أو زنزن كما يحلو للبعض تسميته) كنت اقزدر في شوارع الحارة
تصورو حارة زنقر هيك كان لقيته كل سكان غزة وضواحيها وحواريها متجمعه ومتحوصله بحارة زنقر
فجأة
لقيت صبي عكرووووت حافي وبيهرول عليا قلت له مالك يازلمه مالك طاير ايش مالك يابو الشبااااااااااااااااااااااب
أنا فكرتو من اللي ببيعو أقوزة ع الرمزونات وكنت لسه بدي أطلع الشيكل
الا هوا بقلي تعال إلحقني
فيه حريقة في بيت أم سعدي (اللي هيا ست سميرة)تروح خلينا نتفرج مع بعض
اييييييش بيت أميرة مولعععععععععععععععععععع
إييييييش بتقوووووووووووووووووووول
ملاحظين كيف خلقة زنقر لما يعصب عشان تعرفو ليش شردت
لالا مش معقوووول إنتا أكيد بتكزب وله قول الصحيح لأخلعك كف أجيب ضورك
وصار يحلفلي مية يمين إنو كلامو صحيح
رحت على دكانة الحج أبو عرادة اللي ع راس الشارع شريت ريد بولRed Bull وبشيكل بزر(مبخر) وطيرااااااااااااااااااااااااااان ع بيت أميرة
والاقي النااااااااااااس متجمعيييين والمطااافي وهاللخمه إيش القصة ياولاد ليش هيك عاملين زحمة ولك انتا وياها
وشوي شوي ومع مرور الوقت بديت استوعب القصة
لالالالالالالالالالالالا
مش مومكن
هادا القصة عن صحيح وسميرة جوا الدار وانا قاعد بقصقص بزر وبشرب ريد بول واذا مالحقتها حتنحرق ومش حتقف ع البلكونه وتعمصلي بعنيها زي زمان
رحت انتفضت ورميت الريد بووول من إيدي وحطيت البزر اللي بالكيس بجيبتي ورميت البزر المعرق بأيدي على الأرض وقررت إني ....
أخش الداااار وأنقذهم....
الموووهم
زي الطلق رحت أجيب أواعي لزوم الإشي وجبت أواعي مخصوصة للحريق ولبستها دوغري واستعديت للدخول
والله مشنخص ياعكروت بهاللبس تقول بدك تسوق طيارة مش تطفي حريق
الموووهم
هجمت عالبيت والنار شديدة وحارقة ولاهبه وأول ما دخلت في غرفه سيدها(أبو سعدي)
لقيته مسكين حالته شلش وبتخلي الواحد يعيط
شايفين كيف خلقته منتفشة وشعره قااااااااااااااب ونص راسه قابع ومولع
انقذت الزلمة ورجعت مرة تانية أدور وأبعكش عن حبيبتي سميرة
وبطريقي شميت ريحة ساكية لقيت الخوشة تبعت الجاج رايحه فيها وريحة الجاج المشوي فايحة
بس ناقص رشة ملح وشوية بطاطا وكشتب وكم رغيف فينووو بصير أحلى سندوش فلافل
بس المشكله فش طراشي
الموهم إيش بدكم بالطويلة والعريضة
خشيت وتغلغلت وغصت في وسط البيت واتعمق والنار كل مالها تكبر وأنا قاعدبصارع الدخان وألسنة الناااار بترحمش
الموهم
خشيت على غرفه ولقيت سميرة وستها أم سعدي متخبيين فيها
بالتحديد تحت السرير
لقيتهم خايفين كتاتير
ودخلت أخدت سميرة وحلقت لستها أم سعدي
وستها قاعده بتدعي بتقول الله يرضى عليك ياجده الله يخليلك شبابك وبتحسبني حخدها معانا وانا مسوي حالي مش شااايف وحالقلها ع الناشف
طلعت من البيت المحروقه ومعاي سميرة حبيبتي (وياعيني عليك يازنقر وانتا بتحكي حبيبتي وبتنهد وقلبو بيتقطع من الشسمو)
والناس بيستنوا برا الدااار على أحر من السماقية اللي صارت بسببها الحريقة وكانت زحمة كتير اللي جاي يبيع برااااد واللي ببيع كولا واللي ببيع ترمس يعني حاله
اول ماطلعت أميرة كان ابن عمها خليل (اللي كان حجزها إلو)
قاعد ع كبوت سيارتو وبيتفرج مع هالناس وفيه كوباية براااد مرمية جمبو مش ع بالو الزلمه وانا حالتي شلش صارت من الدخنه
وأول ماشافت خليل زي اللي انضربت كف وتجري وتسرخ زي الهبله
خلييييييييييل
خلييييل
خليل
راحت لخليل وحضنته وصارت تعيط على صدره وانا سابتني زي القرد لحالي
وانا حاطط إيدي ع خدي بتحسر على عمري اللي راااح وحطيت ع اغاني الست والعندليب وصرت أعيط وأندب حظي
وانا قاعد بعيط وبلطم على حظي أجتني سميرة من عند خليل وهيا بتعيط وبتقول ليش سبت ستي أمانه تروح تجيبها باللهي عليك تروح تجيبها
طبعن انا قلبي رهيف وبتحملش أحد يعيط قدامي
قلتلها تقلقيش حروح اجيبها وشلت السماعات من داني وقلتلها خلي الجوااال معاكي دربالك عليه بلاش يخرب لو خشيت فيه بالنار(طب منتا خشيت فيه بالأول )
والله وأروح ولسه بدي أخش إلا جدتها مطلعه رجليها الله لايوطرزلها من الشباااااااااك بدها تطلع والله لو أنها كانت تلعب جمباز ماسوت هيك
بدها تنط
زي الصحيح هالمنكوشة
والله واطلعلها زي الرجل العنكبوت وأسحبها من رجليها (من ساعتها ضهري بيضرب عليا )
ثم وديتها لحبيبتي سميرة
قلتلها هي ستك سليمة وزي القرادة فش فيها الا الصحة والعاااافيه إستلمي
وأول ماتشوفها تروح تحضنها وتمزني للمرة التانيه على التوالي
معلش هما بس مشحبرين من الدخنه والسكن تبعت النار
وبيني وبينك أنا قرفت حالي ساعتها وصرت زي المخنوق بعد مامزتني مرتين ع التوالي هاللي معندهاش قلب ولاذوق
رحت سحبت أوعيااااا وروحت إيش بدي اضل اسوي (والله قلبها حجر هالمنكوبة لهادرجة مش معبراك)
بعد ما انقذت العيله كلها من موووت محقق ونار سحيقه(حسبي الله عليهم والله معاااك حق ياخو تعال بالحضن انا بحضنك )
حتى ما قالتلي شكرا (بعين الله إعمل خير وكب باليرموك)
ورحت في مكان بعيد شوي وسرحت بحالي وضعت مع الخيااال العلمي والعاطفي وأجاني إنتفاخ وإنبعاج بعواطفي وحرقان بأحاسيسي
وقمت انتفضت وصرت أزععععق بصوت عاااالي والله لأوريكي ياسميرة ياخاينه
والله وشوية سمعت طقطقة رجلين وأترينهاااااااا سمييييييرة جايه
ولما قربت عندي قلتلي
مالك ليش زعلان
أنا عاد صرت أتدلع وأسوي حالي تقيل
لا عادي مصرش إشي هادا واجبنا
الا هيا بتقلي
زنقر انا بدي أقلك شغله مفاجعه
رديت وقلتلها إيش فيه فيه أحد تاني بالدار بدك ياناي أنقزو
قالت مالك يازنقر بتتمسخر(ولوت بوزها على طول)
قلتلها لا قولي تفضلي إحكي
أخدت نفس وشهيق وزفير وقالت
لما كان بيتنا مولع انت الي انقذت حياتنا
وكان خليل ابن عمي بيتفرج علينا وإكتشفت انو كان بيشرب براااد ومش فارقه معااااه حتى مااستنضف يضل معنا خمس دقايق عشان هيك قررنا انا وستي وسيدي
زنقر انتفض من مكانو وقلها اه ايش قررتو اه قولي إحكي
قالت طب بس اهدى شوي
هلقيت مش انتا مرة اجيت وخطبتني من اهلي ورفضنا
عموما هلئ(ياعمري ع الدلع) ازا بدك تيجي تخطبني انا ماعندي مانع
واااااااااااااااااااااااااااااااو
ايش بتقولي لا عيدي أمانه تعيدي
طب إقرصيني عشان اصدق
المهم من الفرحة واللي انتو شايفين اثارها على وجه زنقر صار يرقص ويغني أغنية
أرقص يابنور أرقص
والله وماصدق يسمع هالكلام ابو الزناقر الا ويروح يخطبها بنفس اليوم من سيدها ابو سعدي
قلو سيدها يراقل أصبر خلينا نرتب حالنا لطقوس الزواج
زنقر نفخ فيه وقلو اللللللللللللللله وأكبر
كلها دبيحة
وكم قرن موز
وكم كرتونة بيبسي قوارير
والله ومايجي أخر الاسبوع الا انا وسميرة بالقفص الصدري قصدي الدهبي
وأجيب أشهر نورية بكل القطاع على الصعيدين الهندي والأطلسي
وهيا نفسها اللي شاركت بالإحتفال السنوي بمقعد الغزازوة
الراقصة الموقرة نعيمة مسخرة
خبرة سبعميييييييييية سنة ونص قرن وعشر دقايز وخمس اجزاء من الفانية
ورحنا ع بلااااد الهووولهوووول عشان نقضي شهر العثل وفعلن عشنا مع بعض أحلى ليالي العومر
وبهيك أنا قلت اللي عندي وخلصت قصة زنقر الطويلة ومعلش أخدنا الكلام الكتير
ولو ماجبتلي الفرشوحة يازنقر بدي أقول عن الكلام المشفر
وقد أنزر من أنزر
وقبل مااروح حابب بس أحكي فايدة من هالقصة
تأمنوش لزنقر لإنه أكبر ندل بالولايات الموتحدة الغزاوية
وسلامو عليكو ورحمتو الله بركاتو
الجمعة مارس 28, 2008 3:38 pm
